Marharyta Vorychava pakidaje pasadu ŭ Abjadnanym pierachodnym kabiniecie
Marharyta Vorychava pakidaje pasadu pradstaŭnicy pa moładzievaj palitycy Abjadnanaha pierachodnaha kabinieta Biełarusi, jakuju zajmała na praciahu apošnich hadoŭ, paviedamiła pres-słužba APKB.
Marharyta Vorychava. Fota: «Naša Niva»
U svaim prynahodnym zvarocie Marharyta Vorychava nazvała pracu ŭ APKB
«adnoj z samych składanych i važnych prac u jaje žyćci, zroblenaj razam ź ludźmi, jakich jana hłyboka pavažaje: tymi, chto prajšoŭ praz aryšty, vyhnańnie i straty, ale nie pierastaŭ vieryć u svabodnuju Biełaruś».
Jana zajaviła, što hanarycca «tym, što jany stvaryli razam: treninhami, adukacyjnymi prahramami, stypiendyjami, płatformami dapamohi i supolnaściami padtrymki».
Vorychava vykazała padziaku kaleham i kalažankam u Kabiniecie, Kaardynacyjnaj radzie i arhanizacyjach, ź jakimi pracavała, i vykazała ŭpeŭnienaść, što «ruch zastajecca žyvym tolki tady, kali jon adnaŭlajecca i adkryvaje miesca tym, chto siońnia najbolš niepasredna žyvie ŭ biełaruskaj realnaści».
Sama jana ciapier źbirajecca «zaniacca bolš šyrokaj zadačaj — budavać arhanizacyjnyja i technałahičnyja asnovy, jakija buduć patrebnyja biełaruskim demakratyčnym siłam u bližejšyja hady».
Paśla sychodu Marharyty Vorychavaj abaviazki pradstaŭnika pa moładzievaj palitycy budzie vykonvać pieršy namieśnik Vorychavaj Alaksiej Hrachoŭski. Jon budzie vykonvać hetyja abaviazki da pryznačeńnia novaha pradstaŭnika pa moładzievaj palitycy. Kandydaturu na hetuju pasadu prapanuje Kaardynacyjnaja rada, paśla čaho jaje zaćvierdzić kiraŭnica Abjadnanaha pierachodnaha kabinieta Śviatłana Cichanoŭskaja.
Čytajcie taksama:
Łatuška nie vieryć, što Mielnikava kupiła ŭ Minsku kvatery
Abjadnany pierachodny kabiniet zaklikaŭ ułady da Kruhłaha stała z pradstaŭnikami demakratyčnych sił
Cichanoŭskaja i Abjadnany pierachodny kabiniet uznaharodzili va Ukrainie miedalami 24 čałavieki
U Kijevie aficyjna adkryli Misiju biełaruskich demakratyčnych sił