Va Ukrainie praduchilili zamach na kamandzira «Chartyi»
Prezident Ukrainy Uładzimir Zialenski zajaviŭ, što 31 lipienia była praduchilena sproba zamachu na kamandzira 13‑j bryhady Nacyjanalnaj hvardyi Ukrainy «Chartyja» Ihara Abalenskaha.
Ihar Abalenski
Pa słovach Zialenskaha, napadnika i jaho mahčymaha saŭdzielnika zatrymali. Prezident paviedamiŭ, što pahavaryŭ z Abalenskim, a taksama zasłuchaŭ dakład časovaha vykanaŭcy abaviazkaŭ kiraŭnika Słužby biaśpieki Ukrainy Alaksandra Pokłada. Śledčyja i pracesualnyja dziejańni pa spravie praciahvajucca.
Zialenski zajaviŭ, što Ukraina abaviazkova adkaža na sprobu zamachu na vajskovaha kamandzira. Jon taksama padziakavaŭ Abalenskamu za słužbu i pažadaŭ jamu jašče bolš aktyŭna zmahacca suprać rasijskich akupacyjnych vojskaŭ.
U bryhadzie «Chartyja» paćvierdzili infarmacyju pra zamach i padziakavali za padtrymku. Tam zajavili, što razumiejuć niebiaśpieku z boku praciŭnika i hatovyja supraćstajać jamu jak na froncie, tak i ŭ tyle. Pradstaŭniki bryhady taksama paabiacali adkazać na sprobu zabojstva na poli boju.
Čytajcie taksama:
Robiert Broŭdzi: U Čornym i Azoŭskim morach za miesiac parazili 205 rasijskich sudnaŭ
Ukraina straciła źniščalnik F-16, piłot katapultavaŭsia
Adzin z najbujniejšych vytvorcaŭ zbroi va Ukrainie nazvaŭ metu ŭdaraŭ pa Wildberries
Zialenski paprasiŭ u Trampa 300 rakiet dla Patriot, kab abaranić enierhietyku Ukrainy ŭzimku