Novy staršynia Astravieckaha rajvykankama adrazu paśla pryznačeńnia pajechaŭ u kaścioł

31 lipienia sanktuaryj Maci Božaj Škaplernaj u vioscy Hudahaj Astravieckaha rajona naviedaŭ novy staršynia Astravieckaha rajvykankama Rusłan Žukoŭski, pryznačany na pasadu za try dni da taho, paviedamlaje Katolik.life.

Rusłan Žukoŭski

Katalicki sanktuaryj staŭ adnym ź pieršych miescaŭ, kudy ździejśniŭ vizit kiraŭnik rajona na novaj pasadzie, na jakoj jaho zaćvierdzili tolki 28 lipienia.

Čynoŭnik naviedaŭ śviatyniu ŭ pryvatnym paradku, jak vynikaje z paviedamleńnia parafii. Tam za jaho pamalilisia z prośbaj ab ščodrym Božym błasłavieńni.

Ci źjaŭlajecca novy staršynia Astravieckaha rajvykankama katalikom pavodle vieravyznańnia, publičnych źviestak niama. Sam jon rodam z Ašmianaŭ, a da novaha pryznačeńnia pracavaŭ pieršym namieśnikam staršyni Smarhonskaha rajvykankama.

Kamientary da artykuła