Hrodzienka padrychtavała na prodaž amal centnier nasvaju
Milicyjanty Hrodzienščyny vykryli 45‑hadovuju žycharku abłasnoha centra, jakaja zachoŭvała značnuju partyju zabaronienych rečyvaŭ.
Na dačnym učastku žančyny milicyjanty znajšli i kanfiskavali bolš za 95 kiłahramaŭ niekurycielnaha tabačnaha vyrabu — nasvaju.
Pavodle papiaredniaj infarmacyi, tavar pryznačaŭsia dla roźničnaha prodažu ŭ rehijonie, a sama zatrymanaja rehularna pryvoziła jaho z susiedniaj krainy.
Zatrymanaja raniej užo pryciahvałasia da adkaznaści za anałahičnaje pravaparušeńnie. Žančynie pahražaje bujny štraf z kanfiskacyjaj tavaru.
Pavodle biełaruskaha zakanadaŭstva, vytvorčaść i abarot niekurycielnych tabačnych vyrabaŭ, vyrablenych z tabaku i ščołačnych kampanientaŭ, u krainie całkam zabaronieny.