U Minsku małaja čajka lubavałasia saboj u vitrynie kaviarni
U Savieckim rajonie Minska zaŭvažyli niezvyčajnaha piernataha haradžanina. Jon trapiŭ u abjektyŭ karystalnicy Threads Darji, piša Blizko.by.
Na fota zafiksavana padrosłaje ptušania čajki, jakoje vučycca lotać i daśleduje śviet pa-za hniazdom. U takim uzroście jany časta spuskajucca na ziamlu, dzie za imi praciahvajuć nazirać i padkormlivać baćki.
Prachožyja napaili jaho vadoj, paśla čaho ptušania pajšło dalej daśledavać śviet.
Ptušania biez krajniaj nieabchodnaści lepš nie čapać — jaho baćki-čajki mohuć być vielmi ahresiŭnymi. Kali ž ślotak paranieny, lepš źviarnucca da vałancioraŭ, jakija ŭmiejuć abychodzicca ź dzikimi žyviołami.
Taksama varta abaranić ptušania ad chatnich žyvioł (sabak, katoŭ) i ažyŭlenych daroh, bo ŭ horadzie ptušaniaty časta traplajuć pad koły aŭtamabilaŭ.