Siryja hatovaja admovicca ad rasijskaj nafty dziela źniaćcia amierykanskich sankcyj

Siryja hatovaja admovicca ad zakupak rasijskaj nafty, kab pavysić šancy na poŭnaje źniaćcie amierykanskich sankcyj. Pra heta paviedamlajuć krynicy ahienctva Reuters.

Irakskija hruzaviki-cysterny vyjazdžajuć paśla razhruzki nafty na naftapierapracoŭčym zavodzie ŭ horadzie Banijas na zachadzie Siryi. Fota: AP Photo/Omar Sanadiki

Pavodle infarmacyi Reuters, padčas pieramoŭ ab vyklučeńni krainy sa śpisu dziaržaŭ — sponsaraŭ teraryzmu ZŠA dali zrazumieć Damasku, što spynieńnie impartu rasijskaj nafty dapamoža chutčej dasiahnuć hetaj mety.

Siryjskija ŭłady pahadzilisia z takim padychodam, adznačyŭšy, što ciapier karystajucca rasijskimi pastaŭkami tolki praz adsutnaść inšych varyjantaŭ. U Damasku raźličvajuć, što paśla admieny abmiežavańniaŭ zmohuć dyviersifikavać krynicy enierharesursaŭ.

Paśla źmieny ŭłady ŭ Siryi Rasija značna pavialičyła pastaŭki nafty — prykładna da 60 tysiač baralaŭ za sutki, što zrabiła jaje hałoŭnym pastaŭščykom dla krainy. Adnak ciapier siryjski bok užo viadzie pošuk novych partnioraŭ. U pryvatnaści, francuzskaja kampanija TotalEnergies abmiarkoŭvaje prajekty pa raźviedcy nafty i hazu na šelfie, a taksama zaklučanyja damoŭlenaści ź inšymi zamiežnymi kampanijami ab adnaŭleńni zdabyčy hazu.

U lipieni prezident ZŠA Donald Tramp paviedamiŭ Kanhresu pra namier vyklučyć Siryju sa śpisu dziaržaŭ — sponsaraŭ teraryzmu. Adnačasova Vašynhton imkniecca asłabić upłyŭ Maskvy ŭ Siryi i na Blizkim Uschodzie, u tym liku šlacham skaračeńnia rasijskaj vajskovaj prysutnaści ŭ krainie.

Kamientary da artykuła