Iran zachavaje kantrol nad Armuzskim pralivam
Iran paviedamiŭ, što damoviŭsia z Amanam ab maršrucie sudnachodstva praz Armuzski praliŭ.
Maps4media via Getty Images
Sumiesnaja zajava dźviuch krain znachodzicca na zaviaršalnaj stadyi padrychtoŭki, paviedamiŭ aficyjny pradstaŭnik Ministerstva zamiežnych spraŭ Irana Esmaił Bahai.
Pavodle jaho słoŭ, pieramovy «prasoŭvajucca» i pahadnieńnie budzie zaklučana, «kali peŭnyja trecija baki nie pieraškodziać hetamu pracesu». Bahai nie zhadaŭ pra jakuju-niebudź rolu ZŠA, choć Donald Tramp u aŭtorak zajaviŭ, što praliŭ nieŭzabavie budzie adkryty dla sudnachodstva.
Padrychtavanaje Iranam i Amanam pahadnieńnie praduhledžvaje pieradaču Tehieranu kantrolu nad sudnami, jakija ŭvachodziać u Piersidski zaliŭ praz Armuzski praliŭ, paviedamili Reuters vysokapastaŭlenaja krynica ŭ Iranie i dvoje rehijanalnych čynoŭnikaŭ.
Heta moža stać adnoj z najbujniejšych sastupak Iranu. «Sastupka adnosna kantrolu nad Armuzskim pralivam u toj ci inšaj formie ŭžo zroblena», — adznačyŭ adzin z rehijanalnych surazmoŭcaŭ.