Hamialčuk atrymaŭ nažavoje ranieńnie ŭ žyvot, ale jašče sutki piŭ z kryŭdzicielem i tolki potym pajšoŭ da doktara
U Homieli paminki pamierłaj maci ledź nie skončylisia inšaj śmierciu.
Jak piša «Biełka», siabry sabralisia pa sumnaj nahodzie — ušanavać pamiać pamierłaj maci haspadara kvatery. Ale pa miery apjanieńnia zaviazałasia sprečka. Haspadar kvatery schapiŭ sa stała nož i ŭdaryŭ adnaho z tavaryšaŭ u žyvot.
Incydent trochi aćviaroziŭ samoha ahresara. Jon apracavaŭ i pieraviazaŭ siabru ranu, prapanavaŭ vyklikać chutkuju dapamohu, ale toj admoviŭsia.
Pamiryŭšysia, razam jany pili jašče sutki. I tolki potym paciarpieły, narešcie, źviarnuŭsia da daktaroŭ.
Važnyja dla žyćcia orhany cudam akazalisia nie zakranutymi, ale raźviŭsia kryvaciok u brušnuju połaść.
Na sudovym pasiadžeńni haspadar kvatery raskajaŭsia. Jaho prysudzili da 3 hadoŭ pazbaŭleńnia voli va ŭmovach uzmocnienaha režymu.