Babaryka raskazaŭ, ź jakim prajektam viartajecca ŭ palityku

Jon źbiraje kamandu.

Viktar Babaryka. Skrynšot: jutub-kanał Babaryki

Były kiraŭnik Biełhazprambanka i pretendent u kandydaty ŭ prezidenty Viktar Babaryka raskazaŭ pra svoj novy hramadska-palityčny prajekt.

Jon patłumačyŭ, što doŭha nie viartaŭsia ŭ palityku ź dźviuch pryčyn. Pieršaja — asabistaja. Palityk pavinien być niezaležnym, tłumačyć Babaryka, tamu jon stvaryŭ kansałtynhavuju kampaniju, kab zabiaśpiečvać siabie.

Druhaja — šukaŭ toje, u čaho jość patencyjał. «Nie chaču zajmacca prajektami, jakija nie majuć šansaŭ na pośpiech».

Babaryka z kamandaj vyvučaŭ, što za 6 hadoŭ paśla 2020 było stvorana. Jon pryjšoŭ da vysnovy, što novych struktur nie treba, ale patrebny instrumient, kab ludzi znachodzili adno adnaho i realizoŭvali svaje idei.

Svoj prajekt Babaryka nazvaŭ Belarus Network. «Most pamiž tymi, u kaho jość resursy i mahčymaści, i tymi, chto vyrašaje prablemy biełarusaŭ», — tak apisaŭ jon kancepcyju.

Prajekt budzie skiravany na toje, kab vyrašać prablemy biełarusaŭ unutry krainy i za miažoj.

Babaryka ŭžo atrymaŭ pieršapačatkovyja srodki dla startu svajoj inicyjatyvy.

Babaryka kaža, što ciapier šukaje ludziej u kamandu z kampietencyjami, partnioraŭ z resursami i arhanizacyi-partnioraŭ.

Kamientary da artykuła