Karanik pakaštavaŭ smažanych cvyrkunoŭ i zahadaŭ uklučyć ich u mieniu stałovaj Akademii navuk
Vučonyja źbirajucca raskazać pra pažyŭnyja ŭłaścivaści cvyrkunoŭ dy čarviakoŭ i pačastavać usich na admysłovym fiestyvali.
Skrynšot ź videa instagram.com/uladzimir_karanik
U instahramie staršyni Nacyjanalnaj akademii navuk Uładzimira Karanika źjaviłasia niezvyčajnaje videa. Na im čynoŭnik razam sa svaim namieśnikam Alaksandram Truchanavym jaduć smažanych u fryciury cvyrkunoŭ. Truchanaŭ nazyvaje heta alternatyŭnaj krynicaj białku.
Ekzatyčnaja zakuska padałasia Karaniku smačnaj i jon navat prapanavaŭ padnačalenamu padumać nakont sousaŭ i ŭklučyć nasiakomych u mieniu kafe Akademii navuk.
Zatym Alaksandr Truchanaŭ raskazaŭ Karaniku, što na fiestyvali navuki, jaki projdzie ŭ pačatku vieraśnia ŭ Bataničnym sadzie, NAN Biełarusi zładzić lektoryj, na jakim buduć raspaviadać pra pažyŭnuju kaštoŭnaść cvyrkunoŭ i čarviakoŭ. Akramia taho, anansujecca, što luby achvotny zmoža pakaštavać niekalki alternatyŭnych krynic białku.