Syn Džo Bajdena raskazaŭ pra paharšeńnie stanu baćki, jaki chvareje na rak
«Mietastazy pranikli ŭ kości i dalej».
Džo Bajden. Fota: AP Photo / Susan Walsh
Rak prastaty ŭ byłoha prezidenta ZŠA Džo Bajdena prahresuje i vyklikaje mocnyja boli, raskazaŭ jahony syn Chantar u intervju BBC.
«Rak raspaŭsiudziŭsia, mietastazy pranikli ŭ kości i dalej. Heta vielmi baluča i šmat u čym źniasilvajuča», — skazaŭ Bajden-małodšy.
Pradstaŭniki 83‑hadovaha eks-prezidenta admovilisia kamientavać hetaje intervju.
U mai 2025 hoda — praz amal čatyry miesiacy paśla sychodu ź Biełaha doma — Džo Bajden abviaściŭ, što pakutuje ad ahresiŭnaj formy raku prastaty. U kastryčniku pradstaŭnik palityka paviedamiŭ, što eks-prezident prachodzić kurs pramianiovaj i harmanalnaj terapii.
U apošni raz Bajden źjaŭlaŭsia na publicy ŭ červieni na cyrymonii adkryćcia prezidenckaj biblijateki Baraka Abamy ŭ Čykaha, piša BILD.