Supracoŭniki milicyi, jakija trapili ŭ DTZ u Kobrynie, špitalizavanyja
Pa viersii milicyi, jany ŭdzielničali ŭ pahoni za pjanaj žančynaj za rulom. Videa pahoni nie pakazali.
U Kobrynie pjanaja žančyna zładziła pahoniu ź milicyjaj i sutyknieńnie, ahučyli viersiju kobrynskaha DTZ u MUS. Tam adno milicejskaje aŭto pierakuliłasia, druhoje — urezałasia ŭ stup.
Pa viersii MUS, kala 00:15 u RAUS pastupiła paviedamleńnie, što pa vulicy Dziaržynskaha jeździć niećviarozy kiroŭca, jaki stvaraje pahrozu.
Mašynu znajšli, ale jana nie spyniłasia — pačaŭsia pieraśled z uklučanymi majačkami, raspaviali ŭ MUS.
«Pry zatrymańni parušalnika na skryžavańni vulic Mikałajeva i Dziaržynskaha adbyłosia sutyknieńnie słužbovaha transpartu», — paviedamili ŭ MUS.
Za styrnom apynułasia 52‑hadovaja žycharka Kobrynskaha rajona. Ahlad pakazaŭ 0,8 pramile.
Supracoŭniki milicyi dastaŭlenyja ŭ balnicu. Nijakaha videa pahoni apublikavana nie było.