Stali viadomyja imiony źnikłych u harach Kyrhyzstana alpinistaŭ. Dvoje ź ich biełarusy
Dla pošuku litoŭca i dvuch biełarusaŭ źbirajuć 100 tysiač dalaraŭ.
Fota: Jekaterina Rubcova / Facebook
U harach Kyrhyzstana paśla ŭzychodžańnia na pik Karumdu źnikła hrupa z troch daśviedčanych alpinistaŭ: hramadzianina Litvy Siarhieja Rubcova i dvuch biełarusaŭ — Maksima Palanskaha i Mikałaja Śvirydava, piša Delfi.
Na suviaź jany nie vychodziać ź minułaj niadzieli, kali chacieli pačać spusk z vyšyni kala 6000 mietraŭ.
Ratavalniki MNS Kyrhyzstana, pamiežniki i vałanciory sa Šviejcaryi ŭžo vyjavili pusty namiot hrupy na vyšyni kala 5000 mietraŭ, adnak bieśpiłotniki i naziemnyja atrady pakul nie mohuć padniacca vyšej praz składany reljef i drennyja pahodnyja ŭmovy.
Dla ratavalnaj apieracyi z pryciahnieńniem viertalota i prafiesijnych vysakahornych alpinistaŭ nieabchodna ad $100 tysiač. Svajaki i siabry źnikłych adkryli zbor srodkaŭ dla apłaty techniki i śpiechrupy.