Biełarusy sabralisia ŭ Varšavie pad bieł-čyrvona-biełymi ściahami
U Varšavie ŭ hadavinu padziej 2020 hoda biełarusy adznačali Dzień Hodnaści.
Fota tut i dalej: pres-słužba Cichanoŭskaj
Da akcyi dałučylisia byłyja palitviaźni, aktyvisty, błohiery.
U natoŭpie raściahnuli bieł-čyrvona-biełyja ściahi.
Prysutničali taksama Śviatłana Cichanoŭskaja, Pavieł Łatuška, pasoł pa asablivych daručeńniach MZS Ukrainy Jarasłaŭ Čarnahor, polski hramadski dziejač i žurnalist Adam Michnik.
Sa sceny Cichanoŭskaja nahadała pra sapraŭdny biełaruski cud šeść hadoŭ tamu, kali ni ekśpierty, ni ŭłady, ni śpiecsłužby nie mahli pradkazać, što miljony biełarusaŭ vyjduć na vulicy.
«Režym łamaŭ hałavu: chto vyvodzić ludziej? Chto ŭsio heta arhanizavaŭ? A adkaz byŭ vielmi prosty: biełarusy sami.
Nas z vami chavali ŭžo nie adzin raz. Kazali: jašče paru miesiacaŭ — i ŭsio. Pierasvaracca, raźjeducca, zabuducca. Ale voś užo šeść hadoŭ — i biełaruski ruch žyvie. My žyviem! Prychodziać novyja ludzi, źjaŭlajucca novyja idei, vychodziać palitviaźni.
Tamu kali ŭ niekaha ciapier apuskajucca ruki — zhadajcie pra dvaccaty. Biełaruskaje, žyvoje, svabodnaje ŭsio roŭna praraście, jak by jaho ni sprabavali zadušyć. My prosta pavinny rabić svaju spravu i rychtavacca da novaha akna mahčymaściaŭ», — cytuje Cichanoŭskuju jaje pres-słužba.