Telefonnyja machlary vymanili ŭ biełarusa 280 tysiač rubloŭ
Panicaj 21 lipienia mužčynu ŭ vajbiery patelefanavała nibyta supracoŭnica pošty, paviedamlaje SK.
Pad vyhladam arhanizacyi paŭtornaj dastaŭki paštovaha adpraŭleńnia z padatkovych orhanaŭ jana schiliła mužčynu pieradać kod z SMS-paviedamleńnia.
Pa čarzie vydajučy siabie za pradstaŭnikoŭ Nacbanka, Ministerstva suviazi i supracoŭnika KDB, złamyśniki pierakanali achviaru sabrać usie svaje źbieražeńni, aformić kredyty i ŭsie hrošy pieradać praz kurjera i schovanku.
Paśla kožnaj pieradačy paciarpiełamu dasyłali dakumienty, nibyta jakija paćviardžali pastupleńnie hrošaj na zachoŭvańnie ŭ Nacbank.
Kali suviaź z «kuratarami» spyniłasia, paciarpieły bolš uvažliva vyvučyŭ dakumienty i, uśviadomiŭšy padman, źviarnuŭsia ŭ milicyju.