Pałubisak z Radaškovičaŭ zhinuŭ na vajnie: heta zaniało paru tydniaŭ
24‑hadovy najomnik nazaŭsiody zastaŭsia pad Kramatorskam.
Alaksandr Pałubisak
Siamja šukaje apošnija ślady junaka Alaksandra Pałubiska, jaki zhinuŭ bieź viestak u Kramatorskim rajonie Ukrainy. Nieŭzabavie jamu mahło b być 26 hadoŭ, ale, badaj što, nikoli nie budzie.
Pa infarmacyi Belpol, Alaksandr Pałubisak naradziŭsia ŭ haradskim pasiołku Radaškovičy Maładziečnanskaha rajona, za 30 km ad Minska. Jaho maci — nastaŭnica, a baćka pracavaŭ u kampanii pa aptovym prodažy budaŭničych materyjałaŭ. Žančyna nie raz vyklikała milicyju paśla jaho pjanych skandałaŭ. U baćki jość i sudzimaść za niaspłatu alimientaŭ.
Paśla škoły Alaksandr vučyŭsia ŭ Minskim haradskim mašynabudaŭničym kaledžy.
Pałubisak źnik ź Biełarusi 22 vieraśnia 2025 hoda. Praź niekalki miesiacaŭ rodnyja źviarnulisia z zajavaj u Śledčy kamitet — maŭlaŭ, prapaŭ u nieviadomym kirunku. I tady Pałubiska abjavili ŭ vyšuk.
Adnak kirunak, jak akazałasia, byŭ davoli pradkazalny. Małady chłopiec pajechaŭ zarabić hrošaj na vajnie. Miž jaho źniknieńniem u Biełarusi i kančatkovym źniknieńniem na poli boju prajšło paŭtara miesiaca.
Alaksandr «Biełarus» Pałubisak atrymaŭ status źnikłaha bieź viestak 10 listapada 2025 hoda. Jaho žyćcio skončyłasia na terytoryi Kramatorskaha rajona Ukrainy.