Ukraincy stracili jašče adzin samalot MiH-29

U Adeskaj vobłaści Ukrainy padčas bajavoha zadańnia byŭ stračany źniščalnik MiH-29 Pavietranych sił Ukrainy. Piłot paśpieŭ katapultavacca i byŭ evakujavany ŭ miedycynskuju ŭstanovu, paviedamlaje pres-słužba Pavietranych sił.

Fota ilustracyjnaje

Pavodle papiaredniaj infarmacyi, lotčyk vykonvaŭ zadańnie pa źniščeńni pavietranych celaŭ praciŭnika. Padčas zapusku avijacyjnaj rakiety ŭźnikła niaštatnaja situacyja. Samalot zahareŭsia, a piłot straciŭ kiravańnie im. Jon sprabavaŭ vyratavać mašynu, ale ŭ vyniku byŭ vymušany katapultavacca.

Piłot vyžyŭ, paśla katapultavańnia jaho evakujavali dla akazańnia miedycynskaj dapamohi. Pra jaho stan padrabiaznaj infarmacyi pakul niama.

Pryčyny zdareńnia vyśviatlajucca.

Heta ŭžo nie pieršy padobny incydent z ukrainskimi źniščalnikami apošnim časam. 29 lipienia padčas pierachopu rasijskich pavietranych celaŭ na samalocie F-16 taksama adbyłasia niaštatnaja situacyja. Piłot katapultavaŭsia, a samalot raźbiŭsia.

Raniej, 27 červienia, ukrainskija Pavietranyja siły paviedamlali pra stratu suviazi ź inšym MiH-29, jaki vykonvaŭ bajavoje zadańnie ŭ Pałtaŭskaj vobłaści. Lotčyk taksama paśpieŭ katapultavacca.

Kamientary da artykuła