Украінцы страцілі яшчэ адзін самалёт МіГ-29
У Адэскай вобласці Украіны падчас баявога задання быў страчаны знішчальнік МіГ-29 Паветраных сіл Украіны. Пілот паспеў катапультавацца і быў эвакуяваны ў медыцынскую ўстанову, паведамляе прэс-служба Паветраных сіл.
Фота ілюстрацыйнае
Паводле папярэдняй інфармацыі, лётчык выконваў заданне па знішчэнні паветраных цэляў праціўніка. Падчас запуску авіяцыйнай ракеты ўзнікла няштатная сітуацыя. Самалёт загарэўся, а пілот страціў кіраванне ім. Ён спрабаваў выратаваць машыну, але ў выніку быў вымушаны катапультавацца.
Пілот выжыў, пасля катапультавання яго эвакуявалі для аказання медыцынскай дапамогі. Пра яго стан падрабязнай інфармацыі пакуль няма.
Прычыны здарэння высвятляюцца.
Гэта ўжо не першы падобны інцыдэнт з украінскімі знішчальнікамі апошнім часам. 29 ліпеня падчас перахопу расійскіх паветраных цэляў на самалёце F-16 таксама адбылася няштатная сітуацыя. Пілот катапультаваўся, а самалёт разбіўся.
Раней, 27 чэрвеня, украінскія Паветраныя сілы паведамлялі пра страту сувязі з іншым МіГ-29, які выконваў баявое заданне ў Палтаўскай вобласці. Лётчык таксама паспеў катапультавацца.
Чытайце таксама:
«Мапеды» сыходзяць у мінулае: Расія робіць «шахеды» рэактыўнымі. Чым гэта пагражае Украіне
Украіна ўпершыню збіла расійскі знішчальнік з дапамогай F-16
Швецыя заявіла пра хуткую перадачу Украіне знішчальнікаў Gripen