Rasijanie masava atakavali Zaparožža rakietami i KABami — 6 čałaviek zahinuli, 19 paranienyja
U noč na 11 žniŭnia rasijskija akupacyjnyja vojski nanieśli masavany kambinavany ŭdar pa Zaparožžy, užyŭšy balistyčnyja rakiety i kiravanyja avijabomby.
U vyniku ataki šeść čałaviek zahinuli, jašče 19 atrymali ranieńni. U horadzie ŭźnikli pažary i adbylisia adklučeńni elektraenierhii, piša «Ukrainskaja praŭda».
Pavodle słoŭ kiraŭnika abłasnoj vajennaj administracyi Ivana Fiodarava, u vyniku varožaha abstrełu ŭ abłasnym centry byli paškodžanyja žyłyja damy i abjekty niežyłoj infrastruktury.
Akramia taho, u miescach traplańniaŭ uźnikli pažary, a častka horada ŭ vyniku ataki zastałasia biez elektryčnaści.