Vydaviectva «Januškievič» anansavała vychad knihi Džaan Roŭlinh
Kniha vyjdzie pierad Novym hodam.
«Jak vam taki pieradnavahodni anons? Pierakład Aleny Piatrovič, ilustracyi Džyma Fiłda. Vokładka stvorana ŠI, nie chvalujciesia, budziem jašče pierarablać», — paviedamlaje telehram-kanał vydaviectva.
«Kaladnaje parasia» — kazka Džaan Roŭlinh, nie źviazanaja siužetna pakul ni ź jakim z papiarednich tvoraŭ.
Hałoŭny hieroj apovieści — chłopčyk pa imieni Džek, jaki napiaredadni Kaladaŭ hublaje svaju lubimuju cacku — parasia Poka. U kaladny viečar u jaho źjaŭlajecca novy tavaryš — Kaladnaje parasia, jaki razam z Džekam adpraŭlajecca na pošuki Poka ŭ krainu zhublenych rečaŭ.
Darečy, na piatnicu 13 lutaha 2027 hoda papiarednie anansavany vychad dziaviataj knihi detektyŭnaj sieryi pra Karmarana Strajka i Robin Ełakot. Nazva — Sleep Tight, Evangeline (Mocna śpi, Evandželin!)