Zasnavalnika AUN Jaŭhiena Kanavalca pierapachavajuć u Kijevie
Ekshumacyja adbyłasia na mohiłkach u Raterdamie.
Fota: Radyjo Svaboda
Zasnavalnik Arhanizacyi ŭkrainskich nacyjanalistaŭ 1930‑ch hadoŭ Jaŭhien Kanavalec budzie pierapachavany ŭ Kijevie Pra heta paviedamiŭ Ofis prezidenta Ukrainy.
Ekshumacyja adbyłasia na mohiłkach u Raterdamie. Kaardynacyjaj viartańnia pareštkaŭ Kanavalca va Ukrainu zajmajucca kiraŭnik Ofisa prezidenta Kirył Budanaŭ i ministr zamiežnych spraŭ Andrej Sibiha.
Cyrymonija raźvitańnia projdzie ŭ hreka-katalickim Patryjaršym sabory Uvaskrasieńnia Chrystovaha ŭ Kijevie, paśla čaho prach Kanavalca pachavajuć na Nacyjanalnych miemaryjalnych vajennych mohiłkach. Data cyrymonii pakul nie nazyvajecca.
Padčas Hramadzianskaj vajny Jaŭhien Kanavalec kamandavaŭ farmavańniami Siečavych stralcoŭ. Paśla 1920 hoda ŭ emihracyi jon staŭ adnym ź lidaraŭ ukrainskich nacyjanalistaŭ, a ŭ 1929 hodzie stvaryŭ Arhanizacyju ŭkrainskich nacyjanalistaŭ (AUN).
U 1938 hodzie Kanavalec byŭ zabity ŭ vyniku vybuchu bomby. Jaho zabojstva arhanizavaŭ supracoŭnik NKVD Pavieł Sudapłataŭ, jaki paźniej kiravaŭ apieracyjaj pa zabojstvie Lva Trockaha.
U mai va Ukrainie na Nacyjanalnych miemaryjalnych vajennych mohiłkach pierapachavali inšaha lidara AUN — Andreja Mielnika.