Inflacyja ŭ Biełarusi znoŭ pačała paskaracca

Paśla niekalkich miesiacaŭ zapavoleńnia rostu cen u lipieni ŭ Biełarusi zafiksavana nievialikaje pavieličeńnie hadavoha pakazčyka, piša vydańnie «Biełorusy i rynok».

Fota: LookByMedia

U sakaviku i krasaviku 2026 hoda hadavaja inflacyja ŭ Biełarusi składała 5,4%. U mai jana źniziłasia da 4,8%, a ŭ červieni — užo da 4,3%. Adnak u lipieni tendencyja źmianiłasia: za hod spažyvieckija ceny vyraśli na 4,4%.

Ceny charčovych tavaraŭ u lipieni ŭ paraŭnańni z tym ža miesiacam 2025 hoda pavialičylisia na 3,1%. Niecharčovyja tavary za hety ž pieryjad padaraželi na 2,9%. Takim čynam, rost cen na hetuju hrupu tavaraŭ zastaŭsia nižejšym za ahulny ŭzrovień hadavoj inflacyi.

U toj ža čas prykmietna vyras košt pasłuh. Za hod, ź lipienia 2025‑ha da lipienia 2026 hoda, jany padaraželi adrazu na 8,7%. Mienavita pasłuhi stali hałoŭnym faktaram, jaki padtrymlivaje ahulny rost spažyvieckich cen.

U lipieni ŭ paraŭnańni z červieniem bazavy indeks spažyvieckich cen skłaŭ 100,3%. Heta aznačaje, što za miesiac adpaviednaja hrupa spažyvieckich cen u siarednim pavialičyłasia na 0,3%.

Kali ž paraŭnoŭvać lipień 2026 hoda sa śniežniem 2025 hoda, to bazavy indeks skłaŭ 103,2%. Inšymi słovami, za pieršyja siem miesiacaŭ hoda adpaviedny ŭzrovień cen vyras prykładna na 3,2%.

Kamientary da artykuła