Biełarusbank apublikavaŭ kredytny kalkulatar, jaki dazvalaje zrazumieć, ci ŭpišacca nabyćcio žylla na novych umovach u siamiejny biudžet, piša Onliner.by.
Znajści kalkulatar možna pa spasyłcy. Kali ŭ doŭh nieabchodna ŭziać usiaho 150 000 rubloŭ, to nieabchodny siaredniamiesiačny dachod całkam supastaŭny ź siarednim zarobkam pa Minsku: 3625 rubloŭ.
Płaciažy ŭ pieršyja dva hady taksama nie vyhladajuć vialikimi: 125 i 725 rubloŭ. Dalej užo budzie značna ciažej: 1958 rubloŭ u miesiac. I tak 18 hadoŭ zapar.
Ale zatoje dvuchhadovaja adterminoŭka dazvolić spakojna zrabić ramont abo maksimalna pahasić doŭh, kab potym było nie tak baluča.
A kali prafinansavać treba 300 000 rubloŭ?
Zarobak pavinien dasiahać užo 6536 rubloŭ, ale płaciažy ŭ najbližejšyja dva hady ŭsio jašče bolš-mienš narmalnyja: 250 i 1451 rubiel. Adnak potym… 3916 rubloŭ.
Dla bolšaści heta budzie vielmi adčuvalna. Na inflacyju asabliva nie raźličvajem, kredyt pryviazany da staŭki refinansavańnia.
I naprykancy katedž va «Utulnym». Pavodle prydumanych umovaŭ, dakredytavacca treba na 2 000 000 rubloŭ. Pry raniejšych pracentnych staŭkach patrabavaŭsia zarobak u 36 000 rubloŭ i štomiesiačny płaciež u 25 000 rubloŭ.
Zarobak pavinien akazacca navat vyšejšym — 39 528 rubloŭ za try miesiacy. U pieršy hod addavać banku ŭ miesiac treba budzie 1666 rubloŭ, u druhi — 9673. A potym — užo blizkija da papiaredniaha značeńnia 26 111 rubloŭ.
Pry hetym u starym varyjancie pracenty za ŭvieś pieryjad karystańnia kredytam składali 3 974 261 rubiel, a ŭ novym — 3 749 991 rubiel. Heta značyć, na 224 000 rubloŭ z kapiejkami bolš vyhadniej.
Ciapier čytajuć
Aryštavany ministr pryrodnych resursaŭ vybraŭ «stratehiju Bryło»3
Kamientary