Da jubileju Minska składuć archieałahičnuju kartu horada
Biełaruskija navukoŭcy rychtujuć archieałahičnuju kartu Minska, jakuju płanujuć vydać da 960‑hodździa stalicy ŭ 2027 hodzie. Pra heta na pres-kanfierencyi paviedamiŭ dyrektar Instytuta historyi Nacyjanalnaj akademii navuk Biełarusi Vadzim Łakiza.
Vadzim Łakiza. Fota: Instytut historyi NANB
Pavodle słoŭ Vadzima Łakizy, daśledčyki ciapier abśledujuć roznyja terytoryi horada i źbirajuć materyjały dla stvareńnia archieałahičnaj karty. Navukoŭcy chočuć nie tolki sistematyzavać užo viadomyja źviestki, ale i ŭklučyć u vydańnie novuju infarmacyju, atrymanuju padčas apošnich daśledavańniaŭ i raskopak.
Kartu razhladajuć jak svojeasablivy padarunak da jubileju Minska. Jana pavinna być cikavaj nie tolki śpiecyjalistam, ale i žycharam stalicy, turystam i ŭsim, chto cikavicca historyjaj horada.
Sučasny Minsk tradycyjna adznačaje Dzień horada ŭ druhuju subotu vieraśnia. U 2026 hodzie heta budzie 12 vieraśnia — stalicy spoŭnicca 959 hadoŭ. A ŭžo ŭ 2027 hodzie Minsk adznačyć jubilej — 960-hodździe.
Čytajcie taksama:
Miesca, dzie pačynaŭsia stary Miensk, buduć zabudoŭvać. Užo jość płan
Navukoŭcy pakazali častku tysiačahadovaj ściany staražytnaha Mienska