Naftapierapracoŭčy kompleks u Tabolsku paśla ataki USU spyniŭ pracu
Naftapierapracoŭčy kompleks «ZachSibNaftachim» u rasijskim Tabolsku Ciumienskaj vobłaści spyniŭ pracu na niavyznačany termin paśla ataki ŭkrainskich bieśpiłotnikaŭ. Pra heta paviedamlajuć try krynicy ahienctva Reuters u naftachimičnaj halinie.
Paśla ŭdaru pa pradpryjemstvie ŭ Tabolsku
Pavodle śviedčańnia adnoj z krynic, pradpryjemstva pakul nie pracuje, bo śpiecyjalisty aceńvajuć maštaby paškodžańniaŭ i ich nastupstvy. Kali kompleks zmoža adnavić pracu, pakul nieviadoma.
Na Sankt-Pieciarburhskaj mižnarodnaj tavarnaj biržy 11 žniŭnia taksama nie było prapanavana dla prodažu zvadkavanaha hazu z Tobolska. Raniej u 2026 hodzie adtul rehularna pradavali kala 4 tysiač ton techničnaj sumiesi prapanu i butanu za sutki.
«ZachSibNaftachim» źjaŭlajecca bujnym vytvorcam zvadkavanych vuhlevadarodnych hazaŭ. Pavodle halinovych krynic, pradpryjemstva štohod vyrablaje kala 6 miljonaŭ ton takoj pradukcyi. Heta prykładna 40% ad ahulnaha abjomu vytvorčaści ŭ Rasii.
Kala pałovy hazu, jaki vyrablajecca na pradpryjemstvie, vykarystoŭvajecca jak syravina dla naftachimičnaj vytvorčaści na intehravanym kompleksie kampanii «Sibur» u Tabolsku.
10 žniŭnia USU nanieśli ŭdar pa naftapierapracoŭčych i naftachimičnych abjektach u Tabolsku. Paśla hetaj ataki «ZachSibNaftachim» i byŭ vymušany spynić pracu.
Čytajcie taksama:
USU nanieśli ŭdar pa naftachimičnym kambinacie ŭ Tabolsku
Ukrainskija bieśpiłotniki atakavali NPZ u rasijskim Orsku za paŭtary tysiačy kiłamietraŭ ad miažy
U Kamsamolsku-na-Amury adbyŭsia pažar na NPZ
U vyniku ataki bieśpiłotnikaŭ na tatarski Nižniakamsk zahinuli 12 čałaviek
Padmaskoŭje, Krym, Nižniakamsk i Rastoŭskaja vobłaść padvierhlisia atacy ŭkrainskich bieśpiłotnikaŭ