Padmaskoŭje, Krym, Nižniakamsk i Rastoŭskaja vobłaść padvierhlisia atacy ŭkrainskich bieśpiłotnikaŭ
Bieśpiłotniki atakavali niekalki rasijskich rehijonaŭ.
Pra ataku dronaŭ paviedamiŭ mer Maskvy Siarhiej Sabianin. Pavodle jahonych źviestak, za noč na padlocie da horada źbili 13 ukrainskich bieśpiłotnikaŭ. Pra nastupstvy pakul nie paviedamlałasia.
Kiraŭnik Sievastopala Michaił Razvažajeŭ raskazaŭ, što nad horadam źbili 15 bieśpiłotnikaŭ. Papiarednie, paciarpiełych niama. Z-za abłomkaŭ bieśpiłotnika zahareŭsia les u rajonie plažu «Inžyr». Ludziej evakuirujuć ź miascovaha kiempinhu.
Pra ataku na Nižniakamsk u Tatarstanie paviedamlajuć ukrainskija manitorynhavyja kanały Supernova+, Exilenova+ i Astra. Supernova śćviardžaje, što drony atakujuć Nižniekamski NPZ.
Akramia taho, pra nalot napisaŭ hubiernatar Rastoŭskaj vobłaści Juryj Ślusar. Pavodle jaho słoŭ, za noč nad vobłaściu źbili bolš za 70 bieśpiłotnikaŭ. «Infarmacyja pra paciarpiełych i razbureńni na ziamli nie pastupała, budzie ŭdakładniacca».
Kamientary