«Voś kaho ŭ vojska na miažu z Ukrainaj». Čamadanava vyjšła na sienakos, zhłumiła travu i paviesialiła ludziej VIDEA
Ciapierašniaja staršynia praŭładnaj partyi «Biełaja Ruś», a raniej hałoŭny ideołah Minska i pres-sakratarka MUS Volha Čamadanava ŭziała ŭdzieł z kasoj u rukach u respublikanskim fiestyvali «Sporaŭskija sienakosy» ŭ Biarozaŭskim rajonie. Videa, vykładzienaje ŭ internet, paciešyła ludziej.
Skrynšot ź videa
Na videa bačna, što Čamadanava, choć i staranna imituje ruchi kasca, kasić zusim nie ŭmieje. Zamiest taho, kab układać travu ŭ prakos, jana jaje tolki psuje.
Nazirajučy za pracesam u instahramie, karystalniki ŭvolu zabaŭlajucca:
«Ja tak u dziacinstvie pałkaj kasiŭ».
«Chutka machać kasoj nie značyć kasić, sens nie ŭ tym, kab machać, a ŭ tym, kab trava była zrezanaja, u jaje heta vidavočna nie atrymlivajecca».
«Kali b ja tak u dziacinstvie kasiŭ, mianie b baćka kaśsiom pa sracy haniaŭ by pa łuzie, pakul by sraka nie pasinieła».
«Heta nie kaśba, a prosta źbivańnie travy».
«Jakaja kaśba, takaja i partyja — pył u vočy».
«Heta nie kaśba, a nie zrazumiej što. Dy jašče i kosy tupyja».
«Nu navošta heta vykładać u internet? Papsavali pole».
«Heta jak kali b konkurs dryvasiekaŭ u Kanadzie pravodziŭsia machańniem siakieraj u pavietry».
«Hałodnaj by zastałasia ŭ byłyja časy».
«Travu rasčesvaje jana, a soramna mnie».
«Voś kaho ŭ vojska na miažu z Ukrainaj».
Čytajcie taksama:
Čamadanava raskazała, što kateharyčna nielha abmiarkoŭvać na kuchniach
Čamadanava choča supracoŭničać z partyjaj Kim Čen Yna