«Biełaruś-5» pakaža matč u adkaz «Dynama» Minsk — «Braha»
Telekanał «Biełaruś 5» pakaža matč u adkaz treciaha raŭnda kvalifikacyi Lihi kanfierencyi pamiž minskim «Dynama» i partuhalskaj «Brahaj».
Matč adbudziecca zaŭtra, 13 žniŭnia, u Bałharyi na niejtralnym poli i pačniecca a 20‑j hadzinie pa biełaruskim časie.
U pieršaj hulni ŭ Partuhalii «Dynama» sastupiła ź likam 0:1.
Zaŭtra taksama projdzie hulnia ŭ adkaz kvalifikacyi Lihi kanfierencyj «MŁ Viciebsk» — «Borac» (Bośnija i Hiercahavina). Pajadynak projdzie ŭ Vienhryi i taksama pačniecca a 20-j.
U pieršym matčy čempijon Biełarusi sastupiŭ 0:1.
Pieramožca dvuboju «MŁ Viciebsk» — «Borac» zhulaje ŭ płej-of kvalifikacyi ź niaŭdačnikam pary Lihi Jeŭropy «Tun» (Šviejcaryja) — «Vikinhur» (Isłandyja). A pieramožca pajadynkaŭ «Dynama» — «Braha» zhulaje ź pieramožcam pary «Biejtar» (Izrail) — «Aŭstryja» (Viena).