Spotify pačnie paznačać ŠI-artystaŭ i prybiare ich z rekamiendacyj
Spotify pačnie markiravać profili vykanaŭcaŭ, za jakimi staić stvorany niejrasietkaj vobraz.
Muzyka takich artystaŭ pa zmaŭčańni źniknie z redakcyjnych i ałharytmičnych rekamiendacyj. Pra heta kampanija paviedamiła ŭ svaim pres-relizie. Adnak źmieny zakranuć tolki vizualny kantent muzykaŭ, ale nie ich treki.
Ź vieraśnia na staronkach takich ŠI-vykanaŭcaŭ źjavicca paznaka AI Persona. Jaje buduć pakazvać u profili artysta, pošuku i płejlistach. Karystalniki taksama zmohuć daviedacca, ci paviedamiŭ sam aŭtar prajekta ab vykarystańni vydumanaj asoby, ci heta ŭstanaviŭ Spotify.
Vykanaŭcam prapanavali dobraachvotna ŭkazvać, što ich profil pradstaŭlaje stvoranaha niejrasietkaj piersanaža. Pry hetym Spotify nie maje namieru spadziavacca tolki na ich zajavy. Kampanija budzie samastojna praviarać profili, nazvy i vyjavy jakich padobnyja da ŠI-asob.
Muzyka ŠI-piersanažaŭ pa zmaŭčańni nie budzie traplać u padborki i piersanalnyja rekamiendacyi.