Ułady Łatvii zabylisia nabyć bojeprypasy da sistem supraćdziejańnia dronam
Premjer-ministr Łatvii Andrys Kułbierhs zajaviŭ, što dla ŭžo nabytych krainaj sistem supraćdziejańnia dronam nie byli zakupleny nieabchodnyja bojeprypasy.
Andrys Kułbierhs, fota jaho fejsbuk
«Abstalavańnie zakupili, a bojeprypasy kupić zabylisia», — skazaŭ jon u padkaście LETA, piša Delfi.
Kułbierhs nie ŭdakładniŭ, pra jakija mienavita sistemy idzie havorka i jakoje viedamstva adkazvała za zakupku. Pavodle jaho słoŭ, padrabiaznaści, źviazanyja z abaronnymi mahčymaściami krainy, pakul nielha raskryvać. Premjer dadaŭ, što Łatvija nazyvaje siabie «vialikaj dziaržavaj u śfiery dronaŭ», choć «za hetym niama realnaha źmiestu».
Zaraz u Łatvii stvarajuć adzinuju sistemu, jakaja pavinna sinchranizavać dziejańni pamiežnaj achovy i Ministerstva abarony. Pry jaje raspracoŭcy ŭłady vykarystoŭvajuć dośvied Ukrainy, kab kantralavać pavietranuju prastoru i niejtralizavać bieśpiłotniki z dapamohaj srodkaŭ supraćdziejańnia dronam, a nie darahich rakiet.