USU paviedamili pra vyzvaleńnie 26 nasielenych punktaŭ
Prezident Ukrainy Uładzimir Zialenski pa vynikach dakładu jamu vajskovaha kamandavańnia na čale z hałoŭnakamandujučym USU Michaiłam Drapatym u svaim telehram-kanale paviedamiŭ pra vyzvaleńnie ŭkrainskimi vojskami 26 nasielenych punktaŭ u troch abłaściach — Dnieprapiatroŭskaj, Danieckaj i Zaparožskaj.
Karta: Deap State
«Biarozavaje, Uvaskrasienka, Hrušaŭskaje, Zaparožskaje, Zielony Haj, Zorka, Złahada, Kalinaŭskaje, Krasnahorskaje, Malejeŭka, Mirnaje, Novahieorhijeŭka, Novahryhoraŭka, Novamikałajeŭka, Navachackaje, Alaksandrahrad, Paddubnaje, Pryvolle, Pryvolnaje, Rybnaje, Sičnievaje, Stepavaje, Ciernavoje, Tałstoj, Cahielnaje, Jałta — terytoryja troch abłaściej, 26 nasielenych punktaŭ vyzvalenyja dziakujučy aktyŭnym dziejańniam našych vajaroŭ», — napisaŭ Zialenski.
«Za čas hetaj nastupalnaj apieracyi ŭdałosia vyzvalić terytoryju 745 kvadratnych kiłamietraŭ. Dvaccać šeść sioł Dnieprapiatroŭskaj, Danieckaj i Zaparožskaj abłaściej viernutyja pad kantrol Ukrainy. Hetaja naša nastupalnaja apieracyja vykananaja dakładna — mienavita tak, jak i było vyznačana», — padkreśliŭ jon.
Čytajcie taksama:
Zialenski zajaviŭ pra ŭdar pa rasijskaj vajskova-marskoj bazie ŭ Novarasijsku
Stali viadomyja padrabiaznaści ataki dronaŭ na hruzaviki na rasijska-biełaruskaj miažy
Ci moža Ukraina źniščać puskavyja ŭstanoŭki z rasijskaj balistykaj?
Ukrainskija bieśpiłotniki atakavali NPZ u rasijskim Orsku za paŭtary tysiačy kiłamietraŭ ad miažy