Sievastopal zastaŭsia bieź śviatła paśla načnych atak USU
Pad ataku mahła trapić Bałakłaŭskaja CES.
«U vyniku ataki voraha na našu enierhietyčnuju infrastrukturu horad časova zastaŭsia biez elektrazabieśpiačeńnia», — paviedamiŭ apoŭnačy pryznačany Rasijaj hubiernatar Sievastopala Michaił Razvažajeŭ.
Jon zaklikaŭ miascovych žycharoŭ aščadžać enierhiju telefonaŭ i nie pierahružać sietku, kali elektryčnaść znoŭ źjavicca.
Telegram-kanał «Krymski viecier» śćviardžaje, što pad ataku mahła trapić Bałakłaŭskaja CES— paśla mahutnaha vybuchu ŭ horadzie źnikła elektryčnaść. Padčas nalotu ŭkrainskich BPŁA taksama ŭźnik pažar na bujnym abjekcie vodazabieśpiačeńnia — haradskim hidravuźle №3 kala vioski Šturmavoje, adnak pryčyna ŭzharańnia pakul nieviadomaja.