Pucin upieršyniu pryjechaŭ na Kuryły. Japonija vykazała rašučy pratest
Prezident Rasii naviedaŭ kurylski vostraŭ Iturup.
Fota: kremlin.ru
Jon naviedaŭ rybapierapracoŭčy kambinat «Jasny», Kurylskuju centralnuju rajonnuju balnicu, škołu imia hieroja Rasii Narpałava i sustreŭsia z hubiernataram Sachalinskaj vobłaści Valeryjem Limarenkam, piša «Mieduza».
Toj raspavioŭ Pucinu, što na sustrečach z žycharami navat u samych addalenych miescach «nasielnictva kaža — usio dla pieramohi». «Takija ŭ nas ludzi. Hienietyčny kod pieramožcy», — adkazaŭ prezident.
Ministerstva zamiežnych spraŭ Japonii ŭ suviazi ź vizitam Pucina na Kuryły vykazała «rašučy pratest». Tokia nie pryznaje suvierenitet Rasii nad Kurylskimi vyspami.
Napiaredadni Pucin, vystupajučy na vučeńniach Cichaakijanskaha fłotu, zajaviŭ, što Rasija ŭ pytańni vyrašeńnia prablemy Kurylskich astravoŭ mieła kanstruktyŭnyja adnosiny z byłym premjer-ministram Japonii Sindza Abe i inšymi japonskimi kiraŭnikami, ale ciapier Tokia źmianiŭ pazicyju.