U Hruzii zatrymali kiroŭcu mikraaŭtobusa, u jakim zahinuli biełarusy. Pierad śmiarotnym DTZ jon vyskačyŭ ź jaho
U DTZ učora zahinuli čatyry čałavieki, 15 čałaviek atrymali traŭmy.
U Hruzii zatrymany kiroŭca mikraaŭtobusa, jaki pieravoziŭ biełaruskich turystaŭ i trapiŭ u DTZ u rehijonie Huryja.
Pavodle danych miascovaha MUS, jon nie zabiaśpiečyŭ biaśpiečnaje kiravańnie transpartnym srodkam, vyskačyŭ z kabiny na chadu i tamu nie atrymaŭ surjoznych traŭmaŭ.
U MUS Hruzii paviedamili, što «kiroŭca zatrymany, ale na hetym etapie jaho nielha pieravieści ŭ izalatar, pakolki jon prachodzić nieabchodnyja miedycynskija pracedury ŭ klinicy».
Darožna-transpartnaje zdareńnie z udziełam mikraaŭtobusa, jaki pieravoziŭ hramadzian Biełarusi, raniej adbyłosia ŭ hruzinskim rehijonie Huryja.
U mikraaŭtobusie znachodzilisia 19 hramadzian Biełarusi. Čatyry čałavieki zahinuli, 15 atrymali traŭmy roznaj stupieni ciažkaści. Siarod paciarpiełych — šaściora niepaŭnaletnich.
Čytajcie taksama:
U śmiarotnym DTZ ź biełarusami ŭ Hruzii 15 čałaviek atrymali traŭmy, siarod ich — dzieci