Adziny kvalifikacyjny ispyt na ekśpierymientalnaj asnovie praviaduć dla vypusknikoŭ kaledžaŭ
Jon projdzie ŭ nastupnym hodzie.
Adziny kvalifikacyjny ispyt dla vypusknikoŭ kaledžaŭ na ekśpierymientalnaj asnovie projdzie ŭ 2026/27 navučalnym hodzie. Pra heta žurnalistam paviedamiła načalnica ŭpraŭleńnia prafiesijna-techničnaj i siaredniaj śpiecyjalnaj adukacyi Ministerstva adukacyi Hanna Bojka, piša BiełTA.
«Prykładam staŭ demanstracyjny ispyt, jaki pravodzicca ŭ kaledžach Rasii, — raskazała Hanna Bojka. — Sioleta ŭ nas byŭ zapuščany piłotny prajekt, jon prajšoŭ paśpiachova. My stvorym vialiki pieralik prafiesij, jakija najbolš zapatrabavanyja ŭ ekanomicy. Pa ich i budzie pravodzicca ekzamien. Heta budzie adzinaje zadańnie dla ŭsich vypusknikoŭ adnoj prafiesii. Aceńvać raboty budzie niezaležnaja ekśpiertnaja kamisija, u jakuju ŭvojduć pradstaŭniki pradpryjemstvaŭ-zakazčykaŭ. Ekzamien praviaduć centralizavana ŭ adzinyja dni i ŭ adzin čas».
U piłotnym prajekcie pa praviadzieńni ekzamienu ŭdzielničali 529 navučencaŭ kaledžaŭ.
Hanna Bojka padkreśliła, što ŭ 2026/27 navučalnym hodzie ekzamien projdzie ŭ ramkach ekśpierymientalnaj dziejnaści. Źmieny ŭ narmatyŭnuju bazu buduć uniesieny paźniej.