Biełarusa, jaki, padobna, žyŭ u Krakavie i jeździŭ časam na radzimu, sudziać za «raspalvańnie varožaści»
Jaŭhien Šarłan atrymaŭ adukacyju ŭ BDUIR i źjechaŭ žyć za miažu. Kali mierkavać pa sacsietkach, pajezdki na radzimu skončylisia kryminalnaj spravaj — ciapier mužčyna ŭ SIZA.
Jaŭhien Šarłan. Fota ź jahonaj staronki Ukantakcie
Jaŭhienu Šarłanu 40 hadoŭ. Jon rodam ź Lidy. U 2008 hodzie mužčyna atrymaŭ dypłom fakulteta kampjutarnaha prajektavańnia Biełaruskaha dziaržaŭnaha ŭniviersiteta infarmatyki i radyjoelektroniki (BDUIR).
Kali mierkavać pa jahonych sacsietkach, Jaŭhien źjechaŭ z krainy i žyŭ u Polščy, u Krakavie. Jon pieryjadyčna jeździŭ u Biełaruś. Pra abstaviny i čas jaho zatrymańnia nieviadoma.
Jaŭhiena abvinavačvajuć pavodle artykuła 130 Kryminalnaha kodeksa Biełarusi — «raspalvańnie rasavaj, nacyjanalnaj, relihijnaj albo inšaj sacyjalnaj varožaści». Zvyčajna pa hetym artykule sudziać biełarusaŭ za rezkija kamientary ŭ internecie na adras siłavikoŭ, sudździaŭ abo čynoŭnikaŭ. Sankcyja artykuła praduhledžvaje da 12 hadoŭ pazbaŭleńnia voli ŭ zaležnaści ad častki artykuła.
Ciapier Jaŭhien u SIZA. Ułady dadali mužčynu ŭ «śpis terarystaŭ».
Čytajcie taksama:
Rabočaha ź Pinska asudzili za ŭdzieł u «masavych biesparadkach». Paśla 2020‑ha jon pracavaŭ u Rasii
Žychara Žłobina asudzili za pratesty, choć termin daŭniny pavinien byŭ vyjści. Jak takoje mahčyma?
Ajcišnika rodam z Mazyra asudzili pa šerahu palityčnych artykułaŭ i kinuli za kraty