Čynoŭniki ličać, što zdymać videa možna tolki kali atrymaješ zhodu ŭsich, chto trapiŭ u kadr

Nacyjanalny centr abarony piersanalnych danych Respubliki Biełaruś daŭ svaju traktoŭku zakanadaŭstva adnosna mahčymaści zdymak na publičnych mierapryjemstvach u kłubach i inšych padobnych ustanovach. 

Zdymak ilustracyjny. Fota: magnific.com

«Ja byŭ u kłubie i zdymaŭ videa, na jakim tancujuć nieznajomyja mnie pryhožyja dziaŭčaty. Raptoŭna da mianie padbieh mužčyna i zapatrabavaŭ spynić zdymku, pačaŭšy źnievažać. Ci mahu ja apublikavać hetaje videa ŭ svaich sacsietkach, kab pryciahnuć da adkaznaści chama?», — pytajecca biełarus u Centra piersanalnych danych.

Na dumku čynoŭnikaŭ, pavodle zakonu pierad tym, jak zdymać videa na takim mierapryjemstvie, sapraŭdy nieabchodna atrymać choć by vusnuju zhodu ŭsich ludziej, jakija trapili ŭ kadr. Hetaje praviła tyčycca i publikacyi videa ŭ internecie.

Adnak ža kali čałaviek fiksuje pravaparušeńni abo złačynstvy, to heta možna rabić i biez zhody. Takoje videa možna dasłać siłavikam.

Kamientary da artykuła