Чыноўнікі лічаць, што здымаць відэа можна толькі калі атрымаеш згоду ўсіх, хто трапіў у кадр

Нацыянальны цэнтр абароны персанальных даных Рэспублікі Беларусь даў сваю трактоўку заканадаўства адносна магчымасці здымак на публічных мерапрыемствах у клубах і іншых падобных установах. 

Здымак ілюстрацыйны. Фота: magnific.com

«Я быў у клубе і здымаў відэа, на якім танцуюць незнаёмыя мне прыгожыя дзяўчаты. Раптоўна да мяне падбег мужчына і запатрабаваў спыніць здымку, пачаўшы зневажаць. Ці магу я апублікаваць гэтае відэа ў сваіх сацсетках, каб прыцягнуць да адказнасці хама?», — пытаецца беларус у Цэнтра персанальных даных.

На думку чыноўнікаў, паводле закону перад тым, як здымаць відэа на такім мерапрыемстве, сапраўды неабходна атрымаць хоць бы вусную згоду ўсіх людзей, якія трапілі ў кадр. Гэтае правіла тычыцца і публікацыі відэа ў інтэрнэце.

Аднак жа калі чалавек фіксуе правапарушэнні або злачынствы, то гэта можна рабіць і без згоды. Такое відэа можна даслаць сілавікам.

Каментары да артыкула