Na praśpiekcie Pieramožcaŭ u Minsku Belgee zaskočyŭ na barjernuju aharodžu pad puciepravodam VIDEA
Čytač vydańnia Onlíner paviedamiŭ pra DTZ na staličnym praśpiekcie Pieramožcaŭ, pad puciepravodam vulicy Arłoŭskaj.
Skrynšot ź videa
U vyniku incydentu aŭtamabil Belgee X50+ apynuŭsia ŭ niečakanym miescy — na barjernaj aharodžy. Ź inšaha boku ŭprytyk da jaho staić elektrobus.
Abstaviny zdareńnia pakul nie vyśvietlenyja, ale možna vykazać zdahadku, što Belgee zaskočyŭ na aharodžu ŭ miescy, dzie jana, pa sutnaści, pačynajecca i dzie apuščanaja da samaj ziamli. Tam aŭtamabil zaskočyŭ na jaje i jak pa rejkach praśliznuŭ dalej.
Zrešty, pakul heta tolki viersija, aficyjnaha paćviardžeńnia joj niama. Jak niama i razumieńnia taho, u jaki momant adbyłosia sutyknieńnie z elektrobusam.
Čytač vydańnia raskazaŭ, što nie bačyŭ na miescy zdareńnia chutkuju dapamohu.
«Ludzi pakidali elektrobus. Mnie zdałosia — mahčyma, ja nie maju racyju, — što niejkaja kolkaść pasažyraŭ pakidała elektrobus praz sam Belgee. Moža być, dźviery zakliniła — ja nie viedaju», — adznačyŭ śviedka zdareńnia.
Čytajcie taksama:
U Žłobinskim rajonie žančyna zahinuła ŭ avaryi
U Hruzii ŭ avaryi zahinuli čatyry biełarusy
U śmiarotnym DTZ ź biełarusami ŭ Hruzii 15 čałaviek atrymali traŭmy, siarod ich — dzieci