Hruzinskija daktary raskazali pra stan paciarpiełych u avaryi biełarusaŭ
Paśla žachlivaj avaryi, jakaja adbyłasia ŭ Hruzii 12 žniŭnia, u balnicy trapili piatnaccać paciarpiełych biełarusaŭ. Hruzinskija miedyki raskazali pra ich stan.
Na miescy avaryi
Miedycynskaja dapamoha biełarusam akazvajecca ŭ niekalkich klinikach Hruzii. U balnicy Azurhieci i Čachataury špitalizavanyja jašče čaćviora paciarpiełych. U Respublikanskaj balnicy Batumi znachodziacca 11 čałaviek. Dvoje pacyjentaŭ špitalizavanyja ŭ adździaleńnie reanimacyi. Pahrozy dla ich žyćcia niama.
«Z šaściarych dziaciej stan adnaho pieršapačatkova byŭ ciažkim — u dziciaci byŭ dyjahnastavany epiduralny kryvaciok u mozh. U suviazi z hetym jano było ekstranna źmieščana ŭ adździaleńnie reanimacyi. Ciapier nazirańnie za jaho stanam viadziecca ŭ dynamicy. Na ščaście, chirurhičnaha ŭmiašańnia nie spatrebiłasia.
Siońnia stan usich pacyjentaŭ zastajecca stabilnym. Ni ŭ adnaho ź ich niama parušeńniaŭ žyćciova važnych paramietraŭ», — adznačyŭ Hieorhij Kikabidze z Batumskaj balnicy.
Pa słovach pasła Biełarusi ŭ Hruzii Mikałaja Rahaščuka, vypiska pieršych pacyjentaŭ vierahodnaja ŭžo z 14 žniŭnia.
Darožna-transpartnaje zdareńnie z udziełam mikraaŭtobusa, jaki pieravoziŭ hramadzian Biełarusi, adbyłosia 12 žniŭnia ŭ hruzinskim rehijonie Huryja.
U mikraaŭtobusie znachodzilisia 19 hramadzian Biełarusi. Čatyry čałavieki zahinuli, 15 atrymali traŭmy roznaj stupieni ciažkaści. Siarod paciarpiełych — šaściora niepaŭnaletnich.
Čytajcie taksama:
U śmiarotnym DTZ ź biełarusami ŭ Hruzii 15 čałaviek atrymali traŭmy, siarod ich — dzieci