U Viciebsku žančyna paviesiła ŭ padjeździe niepatrebnuju karcinu i nie viedała, što jana šedeŭr

U Viciebsku ŭ padjeździe adnaho z damoŭ bolš za dziesiać hadoŭ visieła karcina, kaštoŭnaść jakoj stała viadomaja tolki paśla jaje kradziažu, piša vydańnie «Viťbiči».

Fota ilustracyjnaje

U milicyju źviarnułasia miascovaja žycharka i paviedamiła, što z padjezda źnikła karcina. Pavodle jaje słoŭ, pałatno znachodziłasia tam bolš za dziesiać hadoŭ, ale adnojčy prosta źnikła.

Karcina dastałasia žančynie ŭ spadčynu. Pakolki zachoŭvać jaje ŭ svajoj kvatery jana nie chacieła, to vyrašyła paviesić pałatno ŭ padjeździe. Karcina chutka spadabałasia susiedziam i stała svojeasablivym elemientam azdableńnia doma, tamu jaje źniknieńnie nie zastałosia niezaŭvažanym.

Supracoŭniki milicyi davoli chutka znajšli padazravanuju ŭ kradziažy. Joj akazałasia 34‑hadovaja biespracoŭnaja žycharka Viciebska.

Padčas rasśledavańnia vyśvietliłasia, što karcina maje značnuju mastackuju i materyjalnuju kaštoŭnaść. Ekśpierty acanili jaje prykładna ŭ 6 tysiač biełaruskich rubloŭ. Pry hetym ni ŭładalnica pałatna, ni žančyna, jakaja jaho skrała, navat nie padazravali, što karcina kaštuje nastolki doraha.

U vyniku ŭładalnicy viernuć jaje majomaść, a padazravanaj pahražaje kryminalnaja adkaznaść za kradziež.

Kamientary da artykuła