Milicejskaha načalnika ź Lachavičaŭ pakarali za toje, što adkazaŭ Słučaku pa-rusku
«Pryniaty miery materyjalnaha ŭździejańnia».
Skrynšot: videakanał Lachavičy i lachavičanie / YouTube
Pavodle biełaruskaha zakanadaŭstva, na piśmovyja zvaroty treba adkazvać na toj dziaržaŭnaj movie, na jakoj źviarnulisia.
Adnak u milicyi Lachavickaha rajona na list moŭnaha aktyvista Ihara Słučaka adkazali pa-rusku. Jon paskardziŭsia na heta parušeńnie.
I vykanaŭca abaviazkaŭ načalnika lachavickaj milicyi Alaksiej Papłaŭski staŭ na bok zakona.
Padpałkoŭnik Papłaŭski zapeŭniŭ Słučaka, što ŭ dačynieńni načalnika adździeła achovy pravaparadku i prafiłaktyki AUS Lachavickaha rajvykankama, jaki rychtavaŭ nienaležny adkaz, «pryniaty miery materyjalnaha ŭździejańnia».