Pamior kupałaviec Mikałaj Kučyc
13 žniŭnia stała viadoma pra śmierć biełaruskaha akciora Mikałaja Kučyca. Pra heta ŭ sacyjalnych sietkach paviedamiła trupa «Kupałaŭcy». Jamu było 73 hady.
Mikałaj Kučyc. Fota: kino-teatr.ru
«Siońnia pajšoŭ z žyćcia naš Kupałaviec Mikałaj Kučyc», — havorycca ŭ paviedamleńni. Nijakich nšych padrabiaznaściaŭ nie paviedamlajecca.
Mikałaj Kučyc naradziŭsia ŭ 1953 hodzie. U 1984 hodzie skončyŭ teatralny fakultet Biełaruskaha teatralna-mastackaha instytuta (ciapier Biełaruskaja dziaržaŭnaja akademija mastactvaŭ), dzie vučyŭsia na kursie Barysa Łucenki.
Z 2001 pa 2020 hod Kučyc byŭ akcioram Nacyjanalnaha akademičnaha teatra imia Janki Kupały. U 2020 hodzie jon pakinuŭ teatr razam z bolšaj častkaj trupy.
Akramia pracy na teatralnaj scenie, Mikałaj Kučyc zdymaŭsia ŭ kino i telesieryjałach. Za svaju karjeru jon vykanaŭ kala 40 rolaŭ.