«Heta duraść ci zdrada?» Azaronak aburyŭsia tym, što milicejskaha načalnika pakarali za adkaz pa-rusku
«Ideołahi na miescach — vy tam nie možacie načalniku padkazać?»
Načalnika adździeła achovy pravaparadku i prafiłaktyki Lachavickaj milicyi pakarali za toje, što adkazaŭ aktyvistu Iharu Słučaku pa-rusku. Pa zakonie jon musiŭ adkazvać na toj dziaržaŭnaj movie, na jakoj byŭ napisany zvarot — na biełaruskaj. Za parušeńnie da milicyjanta pryniali «miery materyjalnaha ŭździejańnia».
Prapahandyst Ryhor Azaronak aburyŭsia hetamu pakarańniu.
«Paŭstaje kłasičnaje pytańnie — heta hłupstva ci zdrada? Možna ŭžo za stolki hadoŭ usich ekstremistaŭ i moŭnych terarystaŭ vyvučyć. I zakon pra zvaroty hramadzian na vorahaŭ naroda nie raspaŭsiudžvajecca.
A ideołahi na miescach — vy tam nie možacie načalniku padkazać? Ci numary ŭsie adbyvajuć? Dzikaść», — napisaŭ Azaronak u svaim telehram-kanale