Kiroŭca biełaruskaha aŭtobusa dapamahaŭ pasažyru pieravieźci praź miažu šmat hrošaj

Parušeńnie vyjavili padčas afarmleńnia mižnarodnaha aŭtobusnaha rejsa ŭ punkcie propusku «Brest». Uvahu inśpiektara pryciahnuŭ kiroŭca aŭtobusa — hramadzianin Biełarusi. Mužčyna pakazaŭ tolki nievialikuju sumu asabistych hrošaj, ale nie paviedamiŭ pra bolš čym 32 tysiačy dalaraŭ ZŠA, jakija mytniki znajšli ŭ jaho kišeniach i spodniaj bialiźnie.

Paźniej vyśvietliłasia, što kiroŭca pahadziŭsia dapamahčy hramadzianinu Ukrainy niezakonna pierapravić najaŭnyja hrošy praź miažu. Ukrainiec taksama jechaŭ hetym aŭtobusam i schavaŭ siarod svaich rečaŭ jašče bolš za 10 tysiač dalaraŭ.

Takim čynam, ahulnaja suma hatoŭki, jakuju hramadzianin Ukrainy sprabavaŭ niezakonna pieramiaścić praz mytnuju miažu, pieravysiła 42 tysiačy dalaraŭ u ekvivalencie.

Pa hetym fakcie Bresckaja mytnia raspačała kryminalnuju spravu pavodle častki 2 artykuła 228 Kryminalnaha kodeksa Biełarusi. Sankcyja artykuła praduhledžvaje pakarańnie, u tym liku pazbaŭleńnie voli na termin da piaci hadoŭ.

Kamientary da artykuła