U Polščy rasijanie rychtavali zamach na ŭkrainskaha repiera Kyivstoner
Viadomy ŭkrainski błohier i repier Albiert Vasiljeŭ, bolš viadomy pad psieŭdanimam Kyivstoner, moh stać mišeńniu zabojcy, jakoha, pavodle infarmacyi polskich pravaachoŭnikaŭ, naniali rasijskija śpiecsłužby, piša «RBK-Ukraina».
Albiert Vasiljeŭ (Kyivstoner)
Jak paviedamlałasia raniej, polskaje Ahienctva ŭnutranaj biaśpieki i palicyja zatrymali padazravanaha ŭ padrychtoŭcy zamachu. Mužčyna, jak śćviardžajecca, pachodzić z Danbasa.
Raniej rasijskaja FSB abvinavaciła Kyivstoner va ŭdziele ŭ nibyta padrychtoŭcy ataki bieśpiłotnikami na abjekt u Padmaskoŭi. Rasijskija dziaržaŭnyja miedyja paśla hetych abvinavačvańniaŭ taksama raspaŭsiudžvali pahrozy na jaho adras.
Polskija ŭłady pakul nie raskryvajuć usich detalaŭ spravy. Viadoma, što 7 žniŭnia ŭ Varšavie byŭ zatrymany hramadzianin Rasii, jakoha padazrajuć u padrychtoŭcy zabojstva hramadzianina ZŠA i Ukrainy na zamovu rasijskich śpiecsłužbaŭ. Polski premjer-ministr Donald Tusk zajaviŭ, što zamach udałosia praduchilić pry supracoŭnictvie polskich i amierykanskich słužbaŭ.
Čytajcie taksama:
U Polščy zatrymali rasijanina, jaki źbiraŭsia zabić ukrainca z amierykanskim pašpartam
«Rasija 1» nazvała «spravaj honaru» zabojstva repiera Kyivstoner