Pamior akademik Anatol Michajłaŭ
Na 90‑m hodzie žyćcia pamior viadomy biełaruski navukoviec-miedyk Anatol Michajłaŭ, jaki zrabiŭ značny ŭkład u raźvićcio miedycynskaj navuki ŭ Biełarusi i za jaje miežami, paviedamiła pres-słužba Ministerstva achovy zdaroŭja.
Anatol Michajłaŭ. Foto: csl.bas-net.by
Anatol Michajłaŭ byŭ akademikam Nacyjanalnaj akademii navuk Biełarusi, doktaram miedycynskich navuk, prafiesaram i zahadčykam kafiedry pramianiovaj dyjahnostyki Instytuta pavyšeńnia kvalifikacyi i pierapadrychtoŭki kadraŭ achovy zdaroŭja Biełaruskaha dziaržaŭnaha miedycynskaha ŭniviersiteta.
Jaho navukovaja dziejnaść achoplivała roznyja napramki miedycyny, u tym liku kardyjałohiju, pulmanałohiju, hastraenterałohiju, anhijałohiju i ŭrałohiju. Asablivuju ŭvahu vučony nadavaŭ raspracoŭcy novych mietadaŭ renthienałahičnaj dyjahnostyki zachvorvańniaŭ sardečna-sudzinnaj sistemy i orhanaŭ stravavańnia.
Michajłaŭ taksama zajmaŭsia stvareńniem kampjutarnych dyjahnastyčnych sistem i sučasnych srodkaŭ miedycynskaj vizualizacyi.
U 1992 hodzie ŭ składzie aŭtarskaha kalektyvu jon staŭ łaŭreatam Dziaržaŭnaj premii Biełarusi za cykł rabot pa raspracoŭcy i ŭkaranieńni ŭ sudzinnuju chirurhiju novych mietadaŭ dyjahnostyki i lačeńnia.
Anatol Michajłaŭ stvaryŭ u Biełarusi ŭłasnuju navukovuju škołu śpiecyjalistaŭ u halinie miedycynskaj vizualizacyi. Jaho praca mieła istotny ŭpłyŭ na raźvićcio hetaha napramku ŭ biełaruskaj miedycynie.
U 2018 hodzie na pieršym Kanhresie Biełaruskaha tavarystva radyjołahaŭ Michajłaŭ byŭ abrany hanarovym členam arhanizacyi. U 2021 hodzie vučonaha ŭznaharodzili miedalom Francyska Skaryny, a zusim niadaŭna, 22 lipienia 2026 hoda, jamu prysvoili zvańnie Zasłužanaha dziejača navuki.