U Akademii navuk vučać štučny intelekt kiravać raskładam haradskoha transpartu

U Biełarusi raspracoŭvajuć intelektualnyja sistemy, jakija ŭ budučyni zmohuć u realnym časie adaptavać pracu haradskoha transpartu da patreb horada i jaho žycharoŭ. Pra hety kirunak raźvićcia haradskoj infrastruktury raskazaŭ hałoŭny navukovy supracoŭnik łabaratoryi matematyčnaj kibiernietyki Abjadnanaha instytuta prablem infarmatyki NAN Biełarusi Michaił Kavaloŭ.

Michaił Kavaloŭ. Skrynšot ź videa

Pa słovach navukoŭca, tradycyjnyja mietady składańnia raskładaŭ užo nie zaŭsiody zdolnyja dać rady sučasnym umovam. Haradskoje žyćcio pastajanna źmianiajecca: na kolkaść pasažyraŭ i ruch transpartu ŭpłyvajuć nadvorje, zatory, masavyja mierapryjemstvy, siezonnaść i inšyja faktary. Tamu apieratyŭna ŭličvać usie hetyja abstaviny ŭručnuju dyśpietčaram stanovicca ŭsio bolš składana.

U Abjadnanym instytucie prablem infarmatyki NAN Biełarusi dla vyrašeńnia takich zadač raspracoŭvajuć tak zvanyja «ałharytmy ad pryrody». Heta składanyja matematyčnyja madeli, zdolnyja šukać aptymalnyja rašeńni dla zadač z tysiačami pieramiennych za ličanyja chviliny. Dla čałavieka raźlik takich varyjantaŭ moh by zajmać hadziny.

Vykarystańnie niejrasietak i inšych technałohij štučnaha intelektu dazvalaje bolš efiektyŭna płanavać maršruty, raźmierkavać transpart i ekanomić resursy.

Adnak, pavodle słoŭ Michaiła Kavalova, hałoŭnaja karyść ad takoj ličbavizacyi nie tolki ŭ ekanomii srodkaŭ. Najbolš kaštoŭnym vynikam stanovicca ekanomija času ludziej — jak pasažyraŭ, tak i rabotnikaŭ transpartnaj sistemy.

Kamientary da artykuła