U Hiermanii ŭ furu biełarusa ŭ łob urezaŭsia Volkswagen
Na terytoryi niamieckaha horada Fiechta, što ŭ ziamli Nižniaja Saksonija, adbyłosia DTZ z udziełam transpartnaha srodku pad kiravańniem biełarusa. Pra heta paviedamlaje miascovaja palicyja, piša sajt «Biełaruś i mir».
Fota: pažarnaja družyna horada Fiechta
Avaryja zdaryłasia ŭ sieradu 12 žniŭnia kala 13:13 na trasie V 69.
Pa pakul nieviadomaj pryčynie lehkavy aŭtamabil marki Volkswagen Cross Polo z 21‑hadovaj žycharkaj horada Fiśbiek za rulom źjechaŭ sa svajoj pałasy ŭleva i frantalna sutyknuŭsia z hruzavikom, u kabinie jakoha znachodziŭsia 55‑hadovy biełarus.
Kiroŭca lehkavika była zabłakavanaj u mašynie. Jaje vyzvalili z dapamohaj śpiecyjalnaha instrumienta ratavalniki, jakija prybyli na vyklik. Žančynu dastavili na viertalocie ŭ balnicu z surjoznymi traŭmami. Šafior hruzavika nie paciarpieŭ.
U suviazi z rasśledavańniem i prybirańniem miesca zdareńnia daroha była pieraciataja pryblizna da troch z pałovaj hadzin. Ruch pieranakiravali ŭ abjezd.
Čytajcie taksama:
U Žłobinskim rajonie žančyna zahinuła ŭ avaryi