18‑hadovy biełaruski futbalist debiutavaŭ za varšaŭskuju «Lehiju»
Forvard Eryk Mikanovič upieršyniu ŭ karjery pryniaŭ udzieł u matčy asnoŭnaj kamandy «Lehii».
Eryk vyjšaŭ na zamienu na 82‑j chvilinie ŭ matčy 4‑ha tura polskaj Ekstrakłasy (vyšejšaj lihi čempijanatu Polščy) suprać «Radomiaka».
Sustreča zaviaršyłasia ŭpeŭnienaj pieramohaj varšaŭskaj kamandy ź likam 5:0.
Mikanovič dałučyŭsia da akademii «Lehii» ŭ žniŭni 2023 hoda. U składzie kamandy U19 jon trojčy stanaviŭsia čempijonam Polščy. Za dubloraŭ u minułym siezonie jon pravioŭ 17 hulniaŭ, zabiŭ adzin hoł i addaŭ čatyry asisty.
U Jeŭropie biełaruskaje pradstaŭnictva ŭ čempijanacie Polščy samaje bolšaje. U Ekstrakłasie (vyšejšaj lizie) vystupaje piaciora našych suajčyńnikaŭ.
Illa Škuryn hulaje za «HKS Katavicy», Arciom Akataŭ zajaŭleny za skład «Matora» ź Lublina, Hleb Kučko za płockuju «Visłu», Maksim Konanaŭ za biełastockuju «Jahiełoniju». U druhim dyvizijonie hulajuć troje biełarusaŭ. Mnostva biełarusaŭ hulajuć u nižejšych dyvizijonach.